Shpërndante kokainë në lokal, arrestohet një person tek “Astiri”
Një person i cili shpërndante droga të forta në lokalet e Tiranës, është kapur në zonën e “Astirit”.
I arrestuari është A. T., 32 vjeç, banues në Tiranë, i cili u kap me kokainë.
I riu u kap në flagrancë në një lokal në zonën e Astirit, me doza lënde të dyshuar narkotike të llojit kokainë, të cilat do ua shiste klientëve që frekuentonin këtë lokal.
Në vijim u ushtrua kontroll në banesën dhe në mjetin e tij, ku i’u gjet një tjetër sasi me lëndë narkotike të llojit kokainë, përzierës lënde narkotike dhe peshore elektronike.
Në cilësinë e provës materiale policia sekuestroi 60.2 gramë lëndë e dyshuar narkotike kokainë; dy shishe me përzierës lënde narkotike; një peshore elektronike dhe dy aparate celulare.
Ndaj të dyshuarit hetimet janë në vijim, ndërkohë që materialet iu referuan Prokurorisë së Tiranës, për veprën penale “Prodhimi dhe shitja e lëndëve narkotike”.
