Shpërthimet në Marinzë, kompania e shpimit e papërgatitur teknikisht

Kompania që ka kryer operacionet e shpimit në Marinzë ka qenë e papërgatitur nga ana teknike dhe organizative. Prokuroria e Fierit ka administruar ekspertimet e bëra nga institucionet kompetente në fshatin Marinzë.

Sipas Agjencisë kombëtare të Mjedisit, vlera e dioksidit të squfurit (SO2) e tejkalon në masën 56.1 % normën e OBSH-së. Edhe dioksidi i nitrogjenit (NO2), tejkalon normën e OBSH-së në masën 49 %.

Në ekspertimin e saj Ministria e Shëndetësisë raporton se uji i ujësjellësit të fshatit Marinzë nuk mund të përdoret më si ujë i pijshëm. Ai mund të përdoret vetëm si ujë komunal, deri në përmbushjen e kërkesave të cilësisë së ujit sipas standardeve në fuqi. Edhe uji i puseve familjare gjithashtu është jashtë standardit dhe rekomandohet të mos përdoret.