Kronika
Shqipëria vendi i 109-të i të prekurve prej virusit Covid-19. Tomini: Situatë për infektim, monitorim që nga janari
Protokolli i organizatës botërore të shëndëtisë u ndoq me dy rastet e para të prekura me virusin korona edhe në Shqipëri. Sipas shefes së Epidemiologjisë në Institutin e Shëndetit Publik, Eugena Tomini situata në vijim po ndiqet në mënyra mjaft të organizuara dhe të specializuara.
Situata sipas Tominit është monitoruar që prej janarit dhe sipas saj ne jemi vendi i 109 i prekur nga virusi korona. Kjo sëmundje sipas epidemiologes, nuk prek grupmoshat e vogla apo të reja, por përgjithësisht personat që kanë bashkëshoqërim të shumë sëmundjeve.
Zj Tomini tha se minimizimi i përhapjes së virusit korona duhet të kryhet sipas disa porosive të mjekëve ku qytetarët të cilët vijnë nga zonat e kuqe duhet të vendosin maskat kirurgjikale, të vetëizolohen në shtëpitë e tyre ose të kontaktojnë autoritetet dhe numrin 127 në momentin kur ata dyshojnë se kanë simptomat e virusit të rrezikshëm.
