Sot publikohet raporti i progresit për Maqedoninë

Në prag të publikimit të raportit të progresit nga ana e Komisionit Evropian për Maqedoninë, në Shkup po zhvillohen debate politike rreth pritjeve se si do të jetë përmbajtja dhe vlerësimet për progresin e vendit në planin e përmbushjes së detyrimeve për anëtarësim në Bashkimin Evropian, transmeton agjencia rajonale e lajmeve IBNA.

Një pjesë e mediave duke u thirrur në burime nga Brukseli kanë raportuar se vendi mund të humb rekomandimin për nisjen e negociatave për anëtarësim, ndërsa një pjesë e mediave më proqeveritare kanë raportuar se vendi për herë të gjashtë me radhë do të vazhdojë me këtë rekomandim për nisjen e negociatave për anëtarësim.

Por këto dilema kanë shtuar debatin dhe akuzat midis partive politike, duke fajësuar njera tjetrën për dështimet në planin e evrointegrimeve dhe përmbushjen e detyrimeve për reforma dhe kushtet e tjera.