Surroi: As me Kushtetutë as me Pakon e Ahtisaarit nuk kërkohet krijimi i Asoaciacionit

Ish-negociatori kosovar në bisedimet e Vjenës për statusin final të Kosovës Veton Surroi ka reaguar ndaj pohimeve të bëra nga ish-diplomati amerikan Daniel Serwer i cili ka thënë se Kosova e ka obligim të zbatojë Pakon e Ahtisaarit pasi e ka pranuar atë. Serwer, Asociaconin e sheh si rrjedhojë të Pakos së Ahtisaarit, por Surroi nuk pajtohet me këtë.

Ja çfarë shkruan ai. “Sa për sqarim, në cilësi të negociatorit kyç më 2005-2007: Kosova nuk ka asnjë dhe të vetmin obligim nga Pakoja e Ahtisaarit për të krijuar Bashkësi të komunave serbe. Kosova i ka integruar të drejtat të komuniteteve jo-shumicë (të drejtave minoritare) në Kushtetutën e Republikës. Në këtë Kushtetutë , njëjtë, nuk ekziston kurrfarë obligimi për të krijuar Bashkësi të komunave serbe. Përkundrazi, çfarëdo Bashkësie e komunave serbe e prish strukturën bazë qeverisëse në Kushtetutën e Republikës së Kosovës. ( Përgjigje spekulimeve qeveritare apo pro-qeveritare se Kosova e ka për borxh krijimin e Bashkësisë së komunave serbe)”, ka shkruar Surroi në profilin e tij në Facebook.