Të ardhurat nga akciza 5.9 % më të larta
Të ardhurat gjithsej nga akciza për periudhën janar-gusht arritën në rreth 24.85 miliardë lekë, 5.9 për qind më shumë krahasuar me të njëjtën periudhë të vitit 2013, por duke qenë ndjeshëm nën nivelin e pritshëm, me rreth -14.9 për qind më pak.
Sipas raportit të Ministrisë së Financave, të gjitha mallrat e forta rezultojnë me rënie kundrejt 8-mujorit të një viti më parë, përveç karburanteve, ku ka ndikuar edhe rënia e prodhimit vendas.
Tek birra kjo ecuri pasqyron pjesërisht faktorin sezonal, si dhe rritjen e prodhimit vendas, që në sasi zëvendëson birrën e importit. Ndërsa ajo që bie më shumë në sy është importi i cigareve, që ka rënie të ndjeshme, krahasuar me mesataren e 8-mujorit gjatë 5 viteve të fundit, qe është sasia më e vogël e importuar, me 1779 ton cigare. Kundrejt së njëjtës periudhë të vitit të kaluar është importuar 13.5 % më pak. Nga 1 janar 2014, hyri në fuqi ligji për rritjen e masës së akcizës së cigareve me 20 lekë/paketa. Operatorët ekonomikë i paraprinë rritjes së nivelit të akcizës së cigareve me rritjen e importeve në muajin dhjetor 2013 në masën 174 %, krahasuar me dhjetorin 2012, duke krijuar stok për muajt e parë të vitit 2014.
Importi i mallrave të forta, në periudhën Janar-Gusht
| Emërtimi | 2010 | 2011 | 2012 | 2013 | 2014 |
| Karburante (ton) | 323,204 | 285,063 | 271,076 | 277,660 | 295,815 |
| Cigare (ton) | 2,577 | 1,937 | 2,248 | 2,056 | 1,779 |
| Birra (000 litra) | 25,755 | 22,499 | 21,992 | 20,751 | 18,821 |
| Kafe (ton) | 3,777 | 4,267 | 4,849 | 4,742 | 4,656 |
| Rritja përqind | |||||
| Karburante | 11.3 | -11.8 | -4.9 | 2.4 | 6.5 |
| Cigare | -2.8 | -24.8 | 16 | -8.5 | -13.5 |
| Birra | -3.3 | -12.6 | -2.3 | -5.6 | -9.3 |
| Kafe | -15.1 | 13 | 13.6 | -2.2 | -1.7 |
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.