Të paktën dy të vdekur pas mbytjes së një anijeje në Mesdhe

Të paktën dy imigrantë humbën jetën dhe gjashtë të tjerë shpëtuan pas mbytjes së anijes së tyre në Detin Mesdhe, bëri të ditur policia portuale greke. Numri i viktimave pas mbytjes së anijes në Mesdhe mes Maltës, Italisë dhe Greqisë, mbetet ende i panjohur, sipas informacioneve të para.
Disa media greke njoftuan për një tragjedi tjetër në Mesdhe, pa përjashtuar mundësinë e mbytjes së dhjetëra imigrantëve të tjerë.
Mbytja e anijes ndodhi në ujërat territoriale të Maltës ku dy anije luftarake me flamujt repsektivë britanik dhe liberian po lundronin në zonë dhe kanë parë shtatë personat e shpëtuar dhe një trup të mbytur para se të lajmëronin autoritetet greke për t’iu ardhur në ndihmë.
Vendosur në juglindje të Mesdheut, Greqia ashtu si dhe ishulli i Maltës dhe Italisë, janë portat kryesore të hyrjes në Evropë për personat që arratisen nga vendet e varfra apo zonat luftarake në Lindjen e Mesme, Azi apo Afrikë