Temë kryesore e dialogut, Asociacioni i komunave serbe
Në takimin e ardhshëm të kryeministrit të Kosovës, Isa Mustafës dhe homologut serb, Aleksandër Vuçiq, i cili është planifikuar për 8 dhe 9 shkurt të vitit të ardhshëm në Bruksel, temë kryesore do të jetë Asociacioni i komunave serbe.
“Veçerni novosti” raportoi se tema tjera të bisedimeve mes Mustafës dhe Vuçiqi do të jetë edhe çështja e kthimit të pronës serbe, krijimi i kushteve për kthimin e të zhvendosurve dhe gjyqësorit.
Koordinatori i Ekipit Drejtues për themelimin e komunave të komunitetit serb dhe ministri i Administratës në qeverinë e re të Prishtinë, Lubomir Mariq, theksoi se është dakord që asociacioni të formohet në pesë muajt e ardhshëm.
“Ajo do të njihet nga sistemi i Serbisë dhe i Kosovës. Duhet të arrijmë marrëveshje për ndryshimin e legjislacionit të komunave të komunitetit serbë”, tha Mariq.
Ai rikujtoi se Asociacioni i komunave serbe do të duhet të përfshijë katër komunat serbe në veri dhe gjashtë në jug të Kosovës si dhe juridiksionet në fushat e shëndetësisë, arsimit, planifikimin urban, zhvillimin ekonomik.
