Thaçi: Miratimi i MSA-së moment historik

Zëvendëskryeministri dhe ministri i Jashtëm i Kosovës, Hashim Thaçi e cilësoi miratimin e Marrëveshjes për Stabilizim dhe Asociim mes Bashkimit Evropian dhe Kosovës si moment historik.

“Parlamenti Europian votoi me shumicë absolute prej 486 vota pro dhe 102 kundër, ratifikimin e Marrëveshjes për Stabilizim dhe Asociim me Kosovën. Ky është moment historik dhe kontrata e parë formale mes Kosovës dhe BE-së. Ky është hapi i parë në rrugën e gjatë që do t’i sjellë fëmijët tanë në gjirin e familjes europiane. Luftuam për liri, fituam edhe pavarësinë dhe sot fillon edhe periudha e re europiane e Republikës së Kosovës”, shkruan në rrjetin social Facebook, Thaçi.