Tranvestiti “Anxhela” tenton të digjet me benzinë tek Kuvendi, parandalohet ngjarja e rëndë

Policia e Tiranës njofton se ka parandaluar një akt vetëflijimi sot përpara Kuvendit të Shqipërisë teksa mbahej seanca plenare.

“Në rrugën “George W. Bush” dhe konkretisht në sheshpushimin e hyrjes së Kuvendit të Republikës së Shqiperisë, shtetasi F. H., 32 vjeç, banues në Tiranë.

Njoftimi

Rreth orës 14:00, shtetasi F. H. ka qëndruar i vetëm, në sheshpushimin para Kuvendit të Republikës së Shqipërisë dhe me vete mbante një shishe plastike e dyshuar me lëndë djegëse benzinë, me të cilën ka sperkatur të gjithë trupin. Më pas nxorri çakmakun për ti vendosur flakën vetes.

Ka qënë ndërhyrja e menjëhershme e punonjësve të Patrullave të Përgjithshme, duke shmangur zjarrvënien dhe duke neutralizuar veprimet e mëtejshme të këtij shtetasi.

Shtetasi F. H. është shoqëruar në ambjentet e Komisariatit të Policisë Nr 1 Tiranë, për sqarimin e rrethanave në lidhje me këtë incident.