Tunizi, hidhet në erë autobusi me gardistë; të paktën 11 viktima

Të paktën 11 persona kanë vdekur pas një sulmi terrorist ndaj një autobusi ushtarak në kryeqytetin tunizian Tunis, të paktën nga sa bëjnë të ditur burime nga Presidenca e këtij vendi, teksa raportet paraprake flisnin fillimisht për të paktën 6 viktima.

Deri më tani dihet se disa persona hodhën në erë autobusin tunizian, që ishte duke transportuar rojet e Gardës Presidenciale në kryeqytet, tha një zëdhënës i Ministrisë së Brednshme këtë të martë.

Tunizia ka rënë prè e sulmeve të militantëve të lidhur me Shtetin Islamik, të cilët sulmuan edhe një resort turistik bregdetar në Sousse, gjatë qershorit, kur lanë të vdekur të paktën 39 persona, shumica e të cilëve turistë të huaj.

Shpërthimi i fundit ka ndodhur në sheshin “Mohamed V”, në një prej rrugëve kryesore të Tunisit, siç raporton media private “Radio Mosaique”.