U zgjodh Kryetare e Kuvendit, Nikolla: Do t’i krijoj hapësirat e nevojshme opozitës

Kryetarja e re e Kuvendit, Lindita Nikolla siguroi se “do të punojë me shumë përgjegjshmëri për të bërë më të mirën e mundshme në detyrën e arbitres së veprimtarisë së parlamentit”.

Në një prononcim për mediet nga ambientet e Pallatit të Kongreseve ku zhvilloi dje punimet Asambleja Kombëtare e Partisë Socialiste, Nikolla siguroi se do t’i krijojë hapësirat e nevojshme së pari, opozitës, për të shfaqur gjithë idetë e mendimet e saj.

“Do të punoj me përkushtim për respektimin e rregullores, për krijimin e një klime pozitive që ai tempull i demokracisë meriton. Jam e mbushur me përgjegjshmëri për të përmbushur pritshmëritë dhe besimin që kryetari i PS-së ka për zgjedhjen time’’, tha Nikolla.