Kosova
Veseli, Hotit: S’ka mbetë Kosova me mbrojtë ti
Kryetari i Kuvendit të Kosovës, Kadri Veseli, ka folur dje pas shtyrjes së sërishme të seancës së jashtëzakonshme të Kuvendit.
Veselit duket se i ka mbetur hatri pas deklaratave për opozitën nga shefi i Grupit Parlamentar të Lidhjes Demokratike të Kosovës, Avdullah Hotit, teksa është treguar shumë i ashpër ndaj tij.
Ai ka lutur Hotin që të mos e përdorë një fjalor të tillë (“shumica e keqe parlamentare po bën pazare për të arritur marrëveshje me Serbinë”), teksa ka deklaruar se nuk ka mbetur Kosova që të mbrohet nga ai.
Më tej, ai ka shtuar se po manipulohen qytetarët dhe ka vënë në pikëpyetje moralin politik të ish kandidatit për kryeministër nga LDK’ja.
