Vetëvendosje kërkon dorëheqjen e Qeverisë

Nënkryetari i Lëvizjes Vetëvendosje, Dardan Sejdiu, ka thënë se kryeministri e tërhoqi demarkacionin pasi nuk guxon të bëjë gjë pa miratimin e Serbisë.

Sejdiu gjatë një konference për media ka thënë se kësaj qeveria nuk i ka mbetur asgjë tjetër vec të jep dorëheqje dhe të shkojmë ne zgjedhje.

Ai ka thënë se kjo Qeveri asnjë të mirë nuk ka sjellë përveç ‘Zajendicës’ dhe “Demarkacionit”, duke shtuar se këto tema janë të rrezikshme për vendin.

Sipas tij nuk ka mbetur asgjë tjetër veç të kërkojnë dorëheqjen e qeverisë që nga sot.

Sejdiu ka thënë se “Zajdenica” dhe “Demarkacioni” janë tema të vdekura, ndërsa sipas tij, tashmë ka mbetur vetëm të shkojnë në zgjedhje.