Vonohen 7 ditë pagat e administratës

Vonesa e pagave për punonjësit e administratës publike po kthehet në një ritual të përvitshëm. Edhe pse jemi më 7 janar, paratë nuk janë kaluar ende nëpër llogaritë e punonjësve. Gjatë datave 5 dhe 6 janar, Drejtoria e Përgjithshme e Shërbimeve Financiare në Ministrinë e Finacave (që kryen pagesat e Thesarit) ka kryer 259 veprime, por asnjë transfertë për pagat e punonjësve.

Në faqen zyrtarë të Ministrisë së Financave, ku pasqyrohen veprimet e thesarit të shtetit rezultojnë se janë kryer gjatë ditëve të para të vitit vetëm disa transferta për shpërblimet e punonjësve të administratës për rezultate në punë, për pagesa paaftësie e ndihmë ekonomike, si dhe pagesa të tjera rutinë të buxhetit.