Wolfsburg e do Mustafin

Sipas shtypit gjerman, Wolfsburg ka filluar të shfaq interesim për shërbimet e mbrojtësit nga Gostivari, Shkodran Mustafit, të cilin e shohin si pasuesin ideal të Felipe Lopes.

Siç transmeton Tribuna, Wolfsburg ka vendosur në “radar” mbrojtësin e Sampdorias, Shkodran Mustafin. Sipas shtypit gjerman, “Ujqërit”, e shohin lojtarin nga Gostivari si pasuesin ideal të Felipe Lopes, i cili do të largohet pas disa muajsh.

Wolfsburg nuk është ekipi i vetëm që dëshiron Mustafin, pasi edhe disa skuadra të tjera të Bundesligës interesohen për kartonin e 22-vjeçarit.