Zgjedhjet, fluks emigrantësh në Kakavijë që vijnë për të votuar

Në zgjedhjet vendore në Shqipëri do të marrin pjesë edhe emigrantët shqiptarë që punojnë dhe jetojnë në Greqi.

Sipas policisë, në pikën kufitare të Kakavijës, në 24 orët e fundit është vërejtur një fluks i madh të ardhurish, ku numri i tyre ka arritur deri në 7.000 persona.

Rreth 60 autobusë me emigrantë shqiptarë si dhe 1.200 automjete kanë hyrë gjatë orëve të para të mëngjesit të sotëm nëpërmjet pikës së kalimit kufitar të Kakavijës.

Policia ka marrë masa për shtimin e sporteleve që emigrantët të mos presin në radhë. Për ta janë shpërndarë edhe materiale informuese nga KQZ-ja për mënyrën e votimit ditën ë nesërme.