TIA anullon fluturimet drejt Stambollit, vijojnë drejt Antalya

Fluturimi nga Aeroporti Ndërkombëtar i Rinasit drejt Stambollit, planifikuar per në orën 09.25, është anulluar, ndërsa drejt Antalya i planifikuar në orën 05.00 është kryer.

Sipas burimeve zyrtare nga Aeroporti Ndërkombëtar i Rinasit, fluturimet nga Tirana drejt Stambollit janë anulluar, ndërsa nga Tirana drejt Antalyas vijojnë rregullisht sipas orarit të planifikuar.

Mbrëmjen e së premtes, një klikë brenda forcave të armatosura turke u përpoqën të rrëzonin qeverinë turke përmes një grushti shteti. Në orët e para të mëngjesit të së shtunës, qeveria njoftoi se grushti i shtetit kishte dështuar.