Bankers mbyll marrëveshjen e shitjes
Kompania Geo Jade Petroleum Corporation ka blerë të gjitha aksionet e kompanisë Bankers Petroleum Ltd.
Vetëm kompania Bankres njoftoi se duke filluar nga dita e sotme (29 shtator), është përmbyllur me sukses marrëveshja, ku aksionet shiten për një çmim prej 2.20 dollar kanadez për aksion.
Njoftimi i kompanisë:
Bankers Petroleum Ltd ka kënaqësinë të njoftojë, duke filluar që sot, mbylljen e planit të marrëveshjes të njoftuar më parë me degët e Geo Jade Petroleum Corporation.
Në bazë të marrëveshjes, kompania Geo Jade ka blerë të gjitha aksionet e emetuara të kompanisë Bankers, nëpërmjet degëve të saj, për një çmim prej 2.20 dollar kanadez për aksion.
Pritet që për tre deri në katër ditë, aksionet e Bankers të mos listohen në bursën e Torontos. Aksionet e Bankers nuk do të listohen më gjithashtu edhe në bursën e Londrës në ditët në vijim.
Aksionerët përfitues, të cilët zotërojnë aksionet e tyre nëpërmjet komisionerëve si: banka ose firmë investimi, duhet të presin për të marrë pagesën pas pesë deri në shtatë ditë pune, pas mbylljes së marrëveshjes.
