Dukagjin, operacioni antidrogë në ditën e katër, asgjësohen 2300 rrënjë kanabis

Operacioni antidrogë i Policisë së Shtetit në Shkodër, i përqendruar kryesisht në zonën e Dukagjinit, ka hyrë në ditën e katërt e po vijon me intensitet.

Gjatë së dielës është raportuar për asgjesimin nga policia të 2300 rrënjëve bimë kanabis sativa, të cilat janë gjetur në 8 parcela të mbjella në fshatrat Pog, Xhan, Kasnec dhe Kir. Gjatë këtij operacioni janë angazhuar 140 forca policore dhe 13 automjete.

Ndërkohë, vetëm një ditë më parë, ministri i Brendshëm Saimir Tahiri ka paralajmëruar se do t’i shkohet deri në fund këtij operacioni duke shprehur vendosmërinë për ta pastruar vendin nga zaptimi i çdo hapësire të mbjellë me lëndë narkotike, edhe pse siç theksoi ai, një Shqipëri e tillë është e trashëguar nga qeveria e mëparshme