Atentati në Kinostudio/ Identifikohen dy autorët, ja pse e qëlluan të riun
Policia ka identifikuar dy autorët e atentatit të mbrëmshëm në Kinostudio. Policia e Tiranës bën me dije se autorë të dyshuar të kësaj ngjarje janë shtetasit: – L. D., 30 vjeç, banues në Tiranë – E. D., 26 vjeç, banues në Tiranë.
“Mbrëmë rreth orës 20:20, në vendin e quajtur “Kinostudio”, pranë një Bar Kafe, është qëlluar me armë zjarri shtetasi E. D., 34 vjeç, banues në Tiranë”- njofton policia.
Sipas saj, shtetasi E. D. është qëlluar me një armë zjarri të kalibrit 7.65 mm, është plagosur në krahë dhe ndodhet në S.Q.U., nën kujdesin e mjekëve.
Në cilësinë e provës materiale janë sekuestruar tre gëzhoja të kalibrit 7.65 mm.
“Shtetasit e shpallur në kërkim, me shtetasin e dëmtuar, më parë kanë patur një konflikt midis njëri tjetrit dhe konkretisht më datë 08.02.2017, konflikt i cili është trajtuar nga Komisaraiti Nr 4”- thote policia.
Po punohet për kapje e autorëve të dyshuar të ngjarjes. Materialet proceduriale i’u kaluan Prokurorisë pranë Gykatës së Shkallës së Parë Tiranë, për veprat penale “Vrasje me paramendim, mbetur në tentativë, në bashkëpunim” dhe “Prodhimi dhe mbajtja pa leje e armëve luftarake dhe e municionit”, parashikuar nga Nenet 78-22-25 dhe 278/2 të Kodit Penal.
