Home / Kronika / Elbasan/ Policia ndalon mjetin 100 mijë euro, “Audi” i blinduar përplas patrullën

Elbasan/ Policia ndalon mjetin 100 mijë euro, “Audi” i blinduar përplas patrullën

Policia e Shtetit vijon aksionin për bllokimin e mjeteve luksoze të siguruara nga paratë e aktivitetit kriminal si dhe atyre të trafikuara.

Në kuadër të zbatimit të Operacionit “Summer 2017 Elbasani” me qëllim bllokimin e automjeteve motorike të trafikuara, efektivat e policisë së Elbasanit kanë kryer kontrolle në lagjen “Dyli Haxhire”, aty ku kanë ndalur një mjet luksoz me targa AA 040 OJ me një vlerë rreth 100.000 Euro.

Në momentin që i kanë iu kërkua drejtuesit të tyre të shoqërohej për verifikim dokumentacioni ka ndodhur një përplasje.

Policia raporton se “Në momentin që mjeti po shoqërohej nga grupi Shqiponjat dhe nga një Patrullë Policie, një mjet tip “Audi” vjen me shpejtësi dhe godet mjetin e Policisë me targa MB 002 AA”
Më pas, raportohet se mjeti në fjalë të jetë futur në Tregun Ushqimor. Blutë e Elbasanit dyshojnë se bëhej fjalë për një mjet të blinduar.

Ndonëse nuk kanë mundur të arrestojnë drejtuesin e tij, policia thotë se ka shoqëruar disa persona që kanë qenë në ambientet e Tregut.

Në kuadër të këtij operacioni, policia e Elbasanit ka bllokuar deri më tani 4 automjete superluksoze dhe ka shoqëruar disa persona.

Leave a Reply

%d bloggers like this: