Kronika

Atentat të riut në Shkodër, ekzekutohet me armë zjarri në makinën e tij

Një vrasje me armë zjarri ka ndodhur paraditen e së dielës në fshatin e “Stom Golemit” në Shkodër.

Policia njofton se viktima është 32-vjeçari Angjelin Shkambi, i cili u ekzekutua në atentat

Ai mësohet se është vrarë me armë zjarri në makinën e tij, në rrethana ende të paqarta, pranë varrezave të fshatit.

Forca të shumta policie kanë mbërritur në vendin e ngjarjes dhe po hetojnë për zbardhjen e shkaqeve dhe identifikimin e autorëve të këtij krimi.

Në vendngjarje janë gjetur dhe sekuestruar tre gëzhoja pistole

Njoftimi i Policisë:

Informacion paraprak

Me datë 17.12.2017, rreth orës 11:10, Salla Operative është njoftuar se në rrugën që të çon tek varrezat e “Stom Golemit”, një person në një makinë, është pa shenja jete.

Shërbimet e Policisë kanë shkuar menjëherë në vendngjarje ku kanë konstatuar se në mjetin tip “Benz” me targa AA 275 BF , ndodhej trupi i pajetë i shtetasit A.Sh. 32 vjeç, banues në Shkodër, i vrarë me armë zjarri nga persona akoma të paidentifikuar.

Grupi hetimor nën drejtimin e Prokurorit ndodhet në vendin e ngjarjes ku po vazhdojnë hetimet për zbardhjen e plotë të ngjarjes.

Në vendngjarje janë gjetur dhe sekuestruar tre gëzhoja pistole. Janë ngritur pika kontrolli si dhe po bëhet krehja e zonës me qëllim kapjen e autorëve.

Related Articles

Leave a Reply

Your email address will not be published. Required fields are marked *

Back to top button