“Vettingu” në polici, PS dhe LSI bien dakord për ligjin e ri

Partia Socialiste dhe Lëvizja Socialiste për Integrim bien dakord për ndryshimet që do të bëhen në projektligjin për kontrollin e figurës së punonjësve të policisë.

Lajmin e dha kryetarja e LSI Monika Kryemadhi, sipas të cilës dakordësia me socialistët është në funksion të rritjes se profesionalizmit të Policisë së Shtetit.

Ky është afrimi i parë serioz mes dy ish aleatëve të majtë pas afro një viti polemikash të ashpra që shoqëruan zgjedhjet parlamentare të vitit të kaluar. Fitorja e PS në këto zgjedhje u shoqërua me daljen në opozitë të LSI.