MaqedoniaRajoni

Mbyllet procesi zgjedhor në Maqedoninë Veriore, regjistrohet pjesëmarrje e ulët

Ka përfunduar në orën 19:00 procesi zgjedhor për president, në Maqedoninë Veriore, ndërsa kanë dalë edhe shifrat e para mbi pjesëmarrjen në votime.

Kështu nga 1.8 milionë shtetas të regjistruar për të votuar, deri në orën 18:30 e kishin ushtruar këtë të drejtë vetëm 39.71 % e tyre, ose rreth 660 mijë votues.

Procesi zgjedhor ka qenë i qetë në Maqedoninë Veriore dhe nuk ka pasur asnjë incident për t’u veçuar, ndërsa pjesëmarrja ka qenë minimale gjatë ditës, për t’u rritur në orët e fundit të para mbylljes.

Rreth orës 21:00 pritet të dalin edhe rezultatet e para të prodhuara nga votimi i sotëm, ndërsa sondazhet nxjerrin fitues Stevo Pendarovskin.

Në garë për pasardhësin e Gjorge Ivanovit janë tre kandidatë; Stevo Pendarovski, i nominuar nga Lidhja Social Demokrate dhe 31 parti tjera, përfshirë edhe Bashkimin Demokratik për Integrim të Ali Ahmetit; Gordana Silajnovska-Davkova e opozitës maqedonase të udhëhequr nga VMRO DPMNE dhe Blerim Reka, kandidat i propozuar nga dy partitë shqiptare të opozitës, Aleanca për Shqiptarët dhe Lëvizja Besa.

Presidenti mund të zgjidhet në raundin e parë, nëse ndonjëri nga kandidatët merr mbi 50 për qind të numrit të përgjithshëm të votave, por deri me sot kjo nuk ka ndodhur asnjëherë, kështu që balotazhi për ata që do të rezultojnë dy garuesit kryesore, është caktuar të mbahet në 5 maj

Related Articles

Leave a Reply

Your email address will not be published. Required fields are marked *

Back to top button