Home / Sporti / Dështojnë Shqipëria dhe Kosova, të dielën sfidat me Francën dhe Anglinë

Dështojnë Shqipëria dhe Kosova, të dielën sfidat me Francën dhe Anglinë

Duhej të ishte sfida që do të shënonte rekordin e pikëve për Kombëtaren Shqiptare, por kuqezinjtë bënë bllofin në kualifikueset e Euro 2020 ndaj Andorrës. Në Elbasan Arena, kuqezinjtë nuk shkuan më shumë se barazimi 2-2 në një sfidë ku lojtarët u dukën sikur ishin më shumë me mendje te Franca.
Sfida nisi në mënyrën perfekte për kuqezinjtë tanë që gjetën golin e avantazhit që në minutën e gjashtë kur Balaj me një goditje me kokë shumë pranë portës e dërgoi topin në rrjetë pas një krosimi të marrë nga krahu i djathtë nga Odise Roshi. Por avantazhi i kuqezinjve zgjati vetëm 12 minuta pasi Andorra befasoi skuadrën tonë përfaqësuese teksa shënoi golin e barazimit me Cristian Martinez.
Pas këtij goli, ishte Memushaj që pati një shans të mirë për të shënuar golin e dytë por u ndal nga portieri i Andorrës. Pjesa e parë u mbyll me barazimin 1-1. Pjesa e dytë nisi me një moment tjetër shokues për kombëtaren tonë, pasi Andorra përmbysi rezultatin duke shënuar edhe golin e dytë, sërish me Cristian Martinez që përsëri shfrytëzoi një pasi vitet të mbrojtejs sonë.
Goli zgjoi skuadrën tonë përfaqësuese e cila nuk vonoi shumë dhe barazoi rezultatin me anë të Rei Manaj. Përpjekjet e kuqezinjve vazhduan në minutat në vazhdim të ndeshjes, por nuk i konvertuan në gol rastet e krijuara duke dalë nga fusha e lojës me vetëm një pikë nga kjo ndeshje.
Tani e gjithë vëmendja do të përqendrohet te sfida me Francën që do të luhet të dielën që do të jetë edhe një ditë feste pasi do të përurohet edhe stadiumi i ri një event që padyshim do të përcillet në platformën Digitalb, ashtu sikurse ndodhi edhe me sfidën me Andorrën.
Ndërsa Kosova e humbi mundësinë për të qëndruar në lojë për kalimin në fazën finale të Euro 2020 nëpërmjet fazës kualifikuese. Skuadra e Bernard Shalond u mund nga Çekia me rezultatin 2-1 në sfidën e zhvilluar në Plzen dhe që u transmetua edhe në platformën Digitalb, një humbje kjo që e la atë jashtë Evropianit përsa i përket kësaj fushate kualifikuese, ndërkohë që ‘Dardanët’ e kanë edhe një shans të fundit për të realizuar ëndrrën evropiane, playoffin e Nations League.
Pjesa e parë e sfidës përfundoi me barazimin 0-0, por ishte Çekia ajo që pati mundësitë më të mira për të kaluar në avantazh teksa rrezikoi disa herë portën e Muriç. Por golin e gjeti skuadra e Kosovës me tu kthyer në fushën e lojës pas pushimit të ndeshjes me anë të Atdhe Nuhiut.
Gjërat u duk se po shkonin mjaft mirë për skuadrën e Shalond, por nuk ishte e thënë që mrekullia të ndodhte, pasi në harkun e 8 minutave Çekia përmbysi gjithçka, Aleks Kral barazoi rezultatin në 1-1, ndërkohë që Çelustka shënoi golin e dytë që ishte edhe ai që i dha Çekisë të drejtën për të siguruar një vend për në fazën finale të Euro 2020.

Lini një Përgjigje

Këtë e pëlqejnë %d blogues: