Bankat kërkojnë likuiditet ekstra në prag të zgjedhjeve parlamentare
Dy banka të mëdha greke i kanë kërkuar Bankës së Greqisë një sasi emergjente parash pas rritjes së tërheqjes së tyre në bankomatë në prag të zgjedhjeve të parakohshme parlamentare të 25 janarit, njoftoi sot gazeta greke ”Kathimerini”.
Ajo shtoi se edhe pjesa e mbetur e bankave të tjera të vendit do të kërkojnë fond likuiditeti emergjent (ELA) gjatë ditëve të ardhshme pasi dështuan në posedimin e kolateraleve adekuate.
Depozituesit kanë tërhequr deri tani më shumë se tre miliardë euro, ndërkohë që bizneset po vuajnë uljen e konsumit dhe nivelet e ulëta të likuiditetit.
Nëntë ditë para zgjedhjeve diferenca mes dy partive pretendente për fitimin e tyre, SYRIZA e ekstremit të majtë dhe ”Demokracia e re” konservatore kanë një diferencë prej tre për qnid në favor të së parës.
