Maqedoni, ishte nisur të takonte Metën, aksidentohet makina e kryetari të BDI-së Ali Ahmeti
Kreu i BDI-së, Ali Ahmeti, ka mbetur i plagosur lehtë ndërsa makina me të cilën udhëtonte për në Shkup është aksidentuar. Ahmeti ishte nisur për tu takuar me kreun e parlamentit të Shqipërisë Ilir Meta, i cili ndodhet në Maqedoni për një vizitë dy-ditore.
Sipas raportimeve të mediave në Maqedoni vetura me të cilën udhëtonte për në Shkup kryetari i BDI-së Ali Ahmeti është aksidentuar, para hyrjes në në autostradën Shkup-Tetovë.
Ahmeti sipas informacioneve është lënduar lehtë, ndërsa shoferi i tij ka marrë disa plagë. Të dy janë dërguar në Spitalin Klinik të Tetovës.
Portali TetovaSot, bën të ditur se asnjë Airbag nuk është hapur dhe se vetura ka qenë me shpejtësi të madhe sa nuk ka mundur të ndalojë në traun e pagesës së autostradës Gostivar–Tetovë.
