Home / Rajoni / Shqetesime amerikane per centralin bullgar

Shqetesime amerikane per centralin bullgar

Diplomatët amerikanë dyshojnë në sigurinë e centralit bërthamor bullgar Belene, që është në ndërtim e sipër, tregojnë depeshat e publikuara në WikiLeaks, të Ambasadës së SHBA në Sofje. 

Në korrespodencën ndërmjet ambasadës dhe Departamenti i Shtetit në Washington thuhet se autoritetet bullgare kanë përshpejtuar punët në ndërtimin e objektit, nga frika që të mos e humbasin partnerin kryesor për realizimin e këtij projekti, kompaninë gjermane RWE, e cila ka blerë 49 përqind të centralit Belene. 

Por, gjatë bisedave private të drejtorëve të RWE me diplomatët amerikanë, sipas depesheve konfidenciale, gjërat dukeshin ndryshe. Gjermanët ankoheshin për mungesë të transparencës të komplet projektit, si dhe punën e gjithëmbarshme të kontraktuesit kryesor për ndërtimin e objektit, kompanisë ruse Atomstroj-Eksport, megjithëse pranonin se as vetë nuk kishin arritur të bindnin partnerët e tyre për vlerat e projektit dhe për standardet evropiane të sigurisë. 

Edhe vetë autoritetet bullgare, gjatë komunikimit që kishin me amerikanët, kishin shprehur shqetësimet e tyre për vonesat në ndërtimin e centralit Belene, për mungesën e transparencës së kontratave me palët e treta, si dhe për ndikimin dhe interesat e politikanëve dhe oligarkëve rusë në projekt.

Leave a Reply

%d bloggers like this: