“Banda e Tritolit”, i penduari Ndriçim Gjokona i vë flakën krevatit në qeli

Bashkëpunëtori i drejtësisë, Ndriçim Gjokona i ka vënë flakën krevatit të tij ditën e sotme në qelinë e paraburgimit “Jordan Misja” 313. Nuk dihen shkaqet pse Gjokona e ka marrë këtë akt.

Sipas policisë, ai është në gjendje të mirë shëndetsore, përveç disa problemeve të vogla me frymëmarrjen për shkak të tymit.

Dyshohet se Gjokona ka qenë i vetëm në qelinë e tij dhe pas vënies së flakës, ka shkaktuar panik tek qelitë e të burgosurve të tjerë, por ndërhyrja e gardianëve të burgut ka qenë e menjëhershme, duke shuar në kohë flakët e krijuara.

Gjokona u bë i njohur për publikun, pasi ishte anëtar i “Bandës së tritolit” dhe një nga bashkëpunëtorët më të ngushtë të “killerit” Julian Sinanaj.

Bashkëpunimi i Gjokonës me drejtësinë solli dhe kapjen dhe neutralizimin e kësaj bande, e cila dyshohet se ka kryer disa vrasje në Shqipëri.