Athina mesazh Shkupit për refugjatët: Harroni BE-në
Në kuadrin e një takimi me ministrin e Jashtëm boshnjak në Athinë, presidenti grek Prokopis Pavlopoulos ka dashur të çojë një mesazh që është adresuar kryesisht ndaj Shkupit.
“Ato vende ballkanike që nuk trajtojnë çështjen e krizës së refugjatëve në një bazë humane dhe sipas të drejtave njerëzore, të cilat përbëjnë dhe parimet e vlerat e BE-së, le ta harrojnë të mendojnë ecurinë e tyre drejt BE-së dhe NATO-s”, tha ai.
Deklarata është bërë në prani edhe të ministrit të Jashtëm grek, Nikos Kotzias, i cili në konferencën e përbashkët për shtyp me homologun e tij boshnjak, Igor Crnantak ka deklaruar se Ministria e Jashtme greke merr përsipër një nismë diplomatike për krizën e refugjatëve, duke sjellë në të njëjtën tryezë bisedimesh për këtë çështje Shqipërinë, Maqedoninë dhe Bullgarinë.
Ka filluar madje, sipas Kotzias, organizimi i një konference, që do të mbahet në fund të prillit në Selanik, me pjesëmarrjen e vendeve fqinje dhe që do të përgatisë një takim më të gjerë ndërkombëtar për rajonin.
