14 të shoqëruar për eksplozivin në makinën e nëndrejtorit të ALUIZNI-t

Policia e Durrësit ka shoqëruar 14 persona për shpërthimin e një automjeti mbrëmë në rrugën “Taulantia” në Durrës.

Automjeti është në pronësi të Gerti Aleksit, nëndrejtor i ALUIZNI-t në qytetin bregdetar.

Sipas policisë, bëhet fjalë për një sasi të vogël tritoli të vendosur në pjesën e përparme të automjetit.

Policia dyshon se ngjarja lidhet me ndonjë konflikt që lidhet me punën e nëndrejtorit të ALUIZNI-t.

Shpërthimi ka qenë i fortë duke shkaktuar panik tek banorët përreth.