Spanja, fituese e Europianit U19

Spanja është fituese e Europianit U19 për femra pas një finale maratonë kundër Gjermanisë, e cila përfundoi me penallti dhe që erdhi për shikuesit në ekranin e RTSH Sport.

Skuadra e Sonia Bermúdez kontrolloi lojën që në fillim, me Gjermaninë që u përpoq të reagonte në momente të caktuara. Skuadra e Kathrin Peter dukej se mund të përfitonte nga situata të ndryshme kundërsulmesh, por mbrojtja e Spanjës rezistoi mirë deri në fund.

Në pjesën e parë pati pak raste nga të dyja palët, ndërsa ndeshja u përshkallëzua në pjesën e dytë derisa Spanja goditi shtyllën dy minuta nga fundi me anë të Lucía Corrales.

Në kohën shtesë dy skuadrat tentuan, por ndeshja u vendos me penallti, me spanjollet që u treguan më të sakta nga pika e bardhë.