Luftë pasurive të paligjshme, memorandum mes 11 institucioneve. Tahiri: Ndryshime potenciale në ligj
Lufta kundër krimit ekonomik e financiar dhe bashkëpunimi mes institucioneve ligjzbatuese ka qenë në qendër të takimit të thërritur nga Prokuroria e Pergjithshme e që mblodhi bashkë krerët e Sigurisë dhe Financave.
Në takimin e sotëm kanë qenë të pranishëm Ministri i Brendshëm Saimir Tahiri, kryeprokurori Llalla, kreu i Shërbimit Informativ Shtetëror, Visho Ajazi Lika, ministri i Financave, Shkëlqim Cani, drejtoresha e Doganave Elisa Spiropali, Drejtori i Përgjithshëm i Burgjeve, Artur Zoto dhe kreu i policisë së Shtetit Artan Didi. Takimi është zhvilluar në ambientet e Hotel Tiranës dhe ka nisur në orën 10.30.
Në fund të takimit, ministri Tahiri deklaroi se me prokurorin u bë një mbledhje e Agjencive Ligjzbatuese për luftën kundër krimit ekonomik dhe financiar.
“Lufta kundër pastrimit të parave e korrupsionit dhe pasurive të pajustifikuara ëshë prioriet madhor për institucionet tona. Memorandumi që rregullon bashkëpunimin tonë ka nevojë për t’u riparë. Do të ngrihet grup i përbashkët mes gjithë agjencive do bëjë memorandumin. Të gjitha agjencitë do rakordojnë hetimet e përbashkëta dhe kjo do kulmojë me hetimin e pasurive të pajustifikuara”- tha Tahiri.
