Frroku: Nuk kam vrarë askënd
Këshilli i Mandateve, Rregullores dhe Imunitetit është mbledhur para pak minutash për të shqyrtuar kërkesën e ardhur nga Belgjika për ekstradimin e deputetit Kristian Demokrat, Mark Frroku.
“Unë nuk kam vrarë askënd. Jam gati të përballem me drejtësinë e cdo vendi tjetër, në rast se do më kërkojnë kudo. Në momentin kur ka ndodhur vrasja në Belgjikë, për të cilën po diskutohet këto ditë, unë kam qenë në Shqipëri’, tha deputeti Mark Frroku.
Mbledhja, e drejtuar nga kreu i Kuvendit Ilir Meta, hasi kundërshtimin e deputetëve demokratë Halimi dhe Ristani.
“Ilir Meta është në konflikt interesi, pasi nuk duhet ta drejtojë mbledhjen, në një kohë kur akuzohet se ka paguar për të vrarë dy deputetë. Meta duhet të largohet nga drejtimi i mbledhjes”, tha Ristani.
Nga ana e tij, Meta theksoi se do të zbatojë rregulloren dhe do të vijojë të drejtojë mbledhjen e Këshillit të Mandateve.
