Basha takim me Bankën Botërore: Duhet transparencë për ekonominë që po bie çdo ditë

Kryetari i Partisë Demokratike, Lulzim Basha, ka shprehur sot shqetësimet e opozitës mbi arbitraritetin e qeverisë dhe përkeqësimin e treguesve të ekonomisë, gjatë takimit të pritjes me përfaqësuesit e Bankës Botërore në Tiranë.

Basha ndau me delegacionin e Bankës Botërore shqetësimin për përkeqësimin e ekonomisë dhe pasojat e drejtpërdrejta si, papunësia në rritje dhe rënia e fuqisë blerëse të konsumatorit shqiptar. “Veprime antiligjore nga ana e qeverise  si, prishja e kontratave dhe koncesioneve, prishja e ndërtimeve me leje, mosrespektimi i vendimeve të gjykatave, kanë thelluar pasigurinë ligjore dhe përkeqësuar gjendjen në të gjithë  sektorët e ekonomisë. Qeveria nuk ka asnjë vizion dhe i mungon  vullneti për të marrë masa konkrete. Ka vetëm propagande dhe show mediatik, por asnjë plan konkret në mbështetje të zhvillimit”, tha Basha.