Haki Çako: Policia nuk ka dhe nuk ka pasur pajisje të përgjimit telefonik

Drejtori i Përgjithshëm i Policisë së Shtetit Haki Çako hodhi poshtë pretendimet se ekziston një pajisje përgjimi që përdoret nga policia.

Duke folur në Komisionin e Sigurisë Kombëtare ku është thirrur për të dëshmuar, Çako theksoi se Policia nuk ka pasur dhe nuk ka pajisje të përgjimit telefonik.

“Ka nisur një procedim penal që jam vënë në dijeni dhe në zbatim të ligjin kam vënë në dispozicion kapacitetet njerëzore dhe dokumentarë. Cdo element që kërkon zbardhjen e kësaj cështje unë do ja jap Prokurorisë.

Që në momentin që jam vënë në dijeni, kam vënë në dispozicion gjithë Policinë e Shtetit dhe jam i hapur për t’i shërbyer hetimit. Policia e Shtetit nuk ka pasur pajisje përgjuese”, u shpreh Çako.