Miqësorja e luksit në “Air Albania”, “Roma” mund “Partizanin” 2-1
Roma e Murinjos u rikthye në Shqipëri të shtunën ne mbremje, këtë herë jo më për një trofe europian, siç ishte finalja e Conference League më 25 maj 2022, por për një miqësore me Partizanin, me skuadrën kampione të Shqipërisë, Partizanin.
Nën një atmosferë festive, “Roma” fitoi miqësoren, përballë “Partizanit” me rezultatin 2-1. Verdhekuqtë nisën vrullshëm në “Air Albania” sfidën.
Djemve të Murinjos i mjaftuan vetëm 12 minuta për të gjetur golin. Elsharaui shmangu portierin e të kuqve me një parabël fantastike.
Djemtë e Murinjos nuk ndalen me kaq. Në minutën e 26’, ishte Belloti që dyfishoi shifrat. Ndërkohë në pjesën e dytë, “Partizani” ngushtoi shifrat në minutën e 85’ përmes një 11-metërshi, të kthyer në gol nga Cara.
Por pas këtij goli rezultati nuk do të ndryshonte më. Verdhekuqtë mbyllin këtë prag sezon me një fitoren në “Tiranë”.
Ndeshja në “Air Albania” u zhvillua nën një atmosferë festive, në një stadium të mbushur totalisht, me mbi 18 000 sportdashës. Sfida nisi nën notat muzikore të reperit të njohur Noizy.
E gjitha kjo që Roma të jetë sa më gati për ndeshjen e parë në Seria A, që verdhekuqtë e luajnë me datë 20 gusht në Olimpico kundër Salernitanës.
