Delegacioni i Kosovës, në takimet e FMN-së dhe BB-së në Uashington

Delegacioni i Republikës së Kosovës i kryesuar nga Ministri i Financave, Avdullah Hoti dhe Guvernatori i Bankës Qendrore të Kosovës, Bedri Hamza po merr pjesë në takimet e rregullta vjetore të Fondit Monetar Ndërkombëtar dhe të Bankës Botërore, të cilat po zhvillohen në Uashington D C.

Sipas KosovaPress, përveç pjesëmarrjes në sesionin plenar të FMN-së dhe Bankës Botërore delegacioni i Kosovë ka zhvilluar takime edhe me zyrtarë të lartë të FMN-së dhe BB-së.

Ministri Hoti dhe Guvernatori Hamza kanë zhvilluar gjithashtu takime me zyrtarë të Departamentit të Thesarit Amerikan dhe përfaqësues të Departamentit të Shtetit Amerikan, homologë të vende të ndryshme si dhe me përfaqësues të institucioneve të tjera financiare ndërkombëtare.

Gjatë takimeve është diskutuar rreth zhvillimeve ekonomike dhe financiare në vend, adresimit të sfidave që lidhen me këtë fushë, asistencës teknike dhe çështjeve tjera të ngjashme. Gjithashtu, është vlerësuar progresi i arritur në Kosovë deri me tani si dhe janë dhënë zotime nga të gjitha institucionet për bashkëpunim dhe mbështetje të vazhdueshme për Republikën e Kosovës