Anjeza Shabani qan: Video s’është e plotë, fëmijën e qëlloja por edhe e përqafoja

Administratorja e kopshtit ‘Diren’, Anjeza Shabani është marrë në pyetje nga policia pas videos skandaloze të denoncuar nga “Stop” ku shfaqej duke dhunuar një fëmijë 3 vjeç.

Duke iu referuar burimeve, gazeta ‘Panorama’ shkruan se ish-gazetarja, tashmë administratore kopshti, është përlotur gjatë dëshmisë së saj para uniformave blu dhe ka thënë se video e transmetuar nuk është e plotë.

“Video është e prerë, nuk tregon të vërtetën. Unë pasi e qëlloja, edhe e kam përqafuar fëmijën. Por ai përsëri nuk pushonte. Unë nuk e dija që fëmija ishte autik. Nuk më kishin thënë. Po të shihni videot e plota shihet që unë e kam puthur dhe përqafuar disa herë”, është shprehur Anjeza Shabani para efektivëve të policisë.