Kanabisi, Prokurori italian: Shteti të kujdeset për kultivimin dhe shitjen

Legalizimi i kanabisit, duhet të bëhet vetëm me një kusht. “Që të kujdeset shteti”. Kështu është shprehur Prokurori i Anti-mafias në Itali, Franco Roberti.

“Duhet të jetë pushteti qendror ai që duhet të kujdeset për kultivimin, përpunimin dhe shitjen e kanabisit dhe të derivateve të tij. Kështu, parandalojmë hapësirat e tregtimit dhe të trafikut të organizatave kriminale si ‘Ndragheta e Camorra’”, – thotë Roberti për gazetën italiane, “Repubblica”.

“Ne tashmë kemi mundur të sinjalizojmë raste të shumta përballë rritjes së pabesueshme të përdorimit dhe të shpërndarjes së drogave të lehta, – një “boom” i vërtetë që tashmë numëron 3 milionë konsumatorë të rregullt vetëm në Itali, – Kjo gjë do të ishte një kundërveprim ndaj karteleve kriminale dhe terrorizimit dhe synon të fuqizojë mjetet dhe burimet e tij investigative kundër narko-trafikantëve me trafiqet e tyre të frikshme si dhe të parandalojë përkeqësimin e ekonomisë në nivel botëror”, – theksoi Roberti.