Kthehet nga Italia drejtori i IEPV-së së Fushë Krujës i plagosur pas një atentati me eksploziv

Drejtori i Burgut të Fushë Krujës, Arben Suloj, i cili u bë viktimë e një atentati me lëndë eksplozive, u kthye sot në Shqipëri pas mjekimit në Itali. Ai u prit në aeroportin e Rinasit nga përfaqësues të administratës së burgjeve, si dhe nga Drejtori i Përgjithshëm i Burgjeve, Artur Zoto.

Arben Suloj mbeti i plagosur rëndë mëngjesin e 19 janarit, kur makina me të cilën ai do të shkonte në punë, shpërtheu në lëvizje nga nje lëndë eksplozive e dyshuar tritol, brenda portit të Durrësit. Mësohet se Suloj ka kaluar me sukses një ndërhyrje në shtyllën kurrizore në një klinikë private në vendin fqinj. Drejtori i Burgut të Fushë krujës tashme do t’i nënshtrohet një programi fizioterapie e më pas ai do të rimarrë detyrën e tij.