Lidhur me këtë qeveria publikon fondet e akorduara për ekzekutimin e vendimeve gjyqësore të formës së prerë, për punonjësit e larguar padrejtësisht nga puna në Drejtorinë e Tatimeve. Në një njoftim për shtyp, qeveria thekson se për vitin 2014, periudhë në të cilën artikulli pretendon se janë paguar 402 milionë lekë, në të vërtetë rezulton se janë likuiduar 368.5 milionë lekë, të cilat nuk kanë adresuar asnjë nga personat e larguar në vitin 2014, siç pretendohet në artikull, por kanë shlyer vendimet gjyqësore për personat e larguar nga puna përgjatë periudhës 2006 – Mars 2013.
Ndërkohë që për punonjësit e larguar pas Tetorit 2013, thuhet se rezultojnë të jenë vetëm 11 vendime të cilat janë ekzekutuar në vitin 2015, me vlerë totale 19 milionë lekë. Kjo vlerë është sa 9.5% e fondit të likuiduar për gjithë vitin 2015 ose 3.2% e totalit të likuiduar për vitet 2013-2015.
Ndërsa fondet e akorduara për periudhën 2013-2015 janë si më poshtë:
- Në vitin 2013, Drejtoria e Tatimeve ka likuiduar 31 milionë lekë, për të shlyer vendimet gjyqësore të largimeve nga puna për periudhën 2006-2009.
- Në vitin 2014, Drejtoria e Tatimeve ka likuiduar 368.5 milionë lekë, për të shlyer vendimet gjyqësore të largimeve nga puna për periudhën 2006-Mars 2013.
- Në vitin 2015, Drejtoria e Tatimeve ka likuiduar 199 milionë lekë, për të shlyer vendimet gjyqësore të largimeve nga puna për periudhën 2006-2015
