Bashkëpunim mes policisë shqiptare dhe asaj kineze për rritjen e sigurisë
Drejtori i Policisë së Shtetit, Haki Çako, priti në një takim kortezie Atasheun Ushtarak të Ambasadës Kineze në Shqipëri, Senior Col. Liu Xingjiang, i cili ishte i shoqëruar nga zëvendëskonsullja e Ambasadës, Wang Xianya dhe asistenti i atasheut ushtarak Major Ma Huan.
Atasheu ushtarak për sigurinë Xingjiang falenderoi Drejtorin e Policisë së Shtetit për pritjen e gatishmërinë për të vendosur kontakte bashkëpunimi mes policisë shqiptare dhe asaj kineze, me qëllim rritjen e sigurisë.
Çako garantoi Atasheun Ushtarak Liu Xingjiang se Policia e Shtetit është e angazhuar dhe e fokusuar në rritjen e parametrave të sigurisë, luftën kundër terrorizim dhe krimit të organizuar, krijimin e një klime të sigurtë për investitorët vendas dhe të huaj si dhe në vendosjen e urave të bashkëpunimit me policitë homologe.
