Fier/ Stuhia shkatërron serat, ministria e Bujqësisë në terren për të marrë masa

Ekspertë të ministrisë së Bujqësisë dhe drejtues lokalë të Bujqësisë së Fierit, kanë inspektuar në terren serat e dëmtuara nga një stuhi pasditen e së hënës në fushat e Fierit.

Janë pothuajse 190 hektarë sera me të mbjella, që u janë dëmtuar mbulesat dhe konstruksionet, duke shkatërruar çdo shpresë të fermerëve se mund të merrnin prodhim në këtë sezon.

Serat e dëmtuara ndodhen në fshatin Suk të Fierit. Në këtë zonë, shumë familje merren me aktivitet bujqësor dhe përdorimi i serave bëhet për të kapur sa më shpejt sezonin dhe tregun.

Specialistët e bujqësisë po evidentojnë dëmet e shkaktuara dhe po ju ofrojnë asistencë fermerëve për masat që duhet të marrin në përballimin e kësaj situate