Ish-avokatja e Milosevicit, gruaja më me ndikim në Londër

Amal Clooney, gruaja e re e Goorge Clooneyt, është zgjedhur si Gruaja më me ndikim në Londër.

Në listën që përpiloi London’s Evening Standard, ajo u rendit në pozitën e katërt nga njëmijë personat me më së shumti ndikim, ndërsa nga gjinia femërore ishte e para.

I pari në këtë listë u përzgjedh politikani George Osborne, pastaj kryetari i Londrës, Bors Johnson, ndërsa në pozitën e tretë ishte dizajneri i video-lojërave kompjuterike, Demis Hassabis.

Gruaja e George Clooneyt është avokate e të drejtave të njeriut dhe gjatë karrierës së saj ka qenë në grupin e avokateve të diktatorit serb të akuzuar për krime lufte në Kosovë Slobodan Milosheviq i cili vdiq në burgun Hagës në vitin 2006 pa u dënuar.

Në top 20-shen e kësaj liste hyjnë edhe Princi Harry, Victoria Beckham dhe kryeministri i Anglisë, David Cameron.