Krimet e pasluftës nën juridiksionin e Gjykatës Speciale

Gjykata Speciale nuk do të ketë juridiksion vetëm mbi personat përgjegjës për pretendimet e ngritura në raportin e Asamblesë Parlamentare të Këshillit të Evropës, të hartuar nga Dick Marty.

Kjo gjykatë do të trajtojë të gjitha krimet më serioze që kanë ndodhur gjatë luftës së fundit dhe një vit pas saj, përfshirë vrasjet politike.

Është tërësisht i mbyllur procesi për krijimin e bazës ligjore për këtë gjykatë, që po zhvillohet nën patronazhin e presidentes Atifete Jahjaga.

Informacione përmbajtjesore në diskutim nuk jep askush nga Presidenca e as nga Ekipi Teknik, i cili është duke negociuar me autoritetet evropiane legjislacionin.

Një burim në Presidencë ka treguar se me ligj të veçantë do të listohen të gjitha krimet, për të cilat do të ketë juridiksion Gjykata Speciale.