Balla: Spiropali, koordinatore kombëtare e bashkëqeverisjes, Gjylameti, kryetare e PS-së për Tiranën

Partia Socialiste ka mandatuar Elisa Spiropalin qe të jetë koordinatorja kombëtare e bashkëqeverisjes me njerëzit dhe Blerina Gjylametin kryetare të Partisë Socialiste për Tiranën, deklaroi  sot ne mbremje sekretari i pergjithshem i PS-së, Taulant Balla, pas mbledhjes së kryesisë së PS-së.

Në një prononcim për mediat pas mbledhjes së kryesisë së PS-së, Balla u shpreh se “Kemi diskutuar për problematikat që kemi hasur për ecurinë e procesit të bashkeqeverisjes. Ka pasur një rapotim edhe për ecurinë e deritanishme për një prej veprimeve politike tonat, qoftë si Parti Socialiste, qoftë si grup parlamentar, qoftë si qeveri, atë të bashkëqeverisjes me njerëzit”.

Balla deklaroi para gazetareve se “Kryesia e Partisë Socialiste ka mandatuar Elisa Spiropalin të jetë koordinatorja kombëtare e bashkëqeverisjes me njerëzit për të vijuar punën intensive”. “Sapo kemi nisur komunikimin me njerëzit në çdo cep të Shqipërisë me këdo që është i gatshëm të bëhet pjesë e kësaj aleance të madhe të bashkëqeverisjes për Shqipërinë që duam”, shtoi Balla.

Po ashtu, Balla tha se “Dua të komunikoj me ju që kryesia e PS-së shprehu qoftë vleresimin për punën e deritanishme, por dhe vlerësimin e madh që kolegjia jonë Blerina Gjylameti të drejtoje Partinë Socialiste të Tiranës prej sot dhe në vijim”.

Ai theksoi se mbledhja e Kryesisë së Partisë Socialiste kishte një çështje që lidhet me raportimin dhe analizën e ecurisë së deritanishme të procesit të zgjedhjeve në Partinë Socialiste. Siç e dini, prej datës 15 shtator ne kemi filluar një proces zgjedhjesh në nivelin e parë dhe të dytë të organizimit në Partinë Socialiste: atë të kryetarëve të organizatave. Dhe më pas do të pasojë me zgjedhjen e Kryetarëve të Këshillave Socialistë në çdo njësi administrative, në 384 njësitë administrative të Shqipërisë.

Si Sekretar i Përgjithshëm shpreh kënaqësinë për ecurinë e deritanishme. Nesër, ne do të kemi edhe kryetarët në nivel bashkie të Partisë Socialiste për një raportim dhe identifikim më të detajuar të problematikës që kemi hasur, përmes ecurisë së deritanishme të procesit, tha Balla.