Kontrata me pesë kompani për importin e energjisë

Kontrata me pesë kompanitë fituese ka sigruar një sasi prej prej 270 mijë MWh energji, që do të plotësojnë bashkë me prodhimin vendas, furnizimin nomal të konsumatoreve me energji elektrike për muajn nëntor.

Operatori i Shpërndarjes së Energjisë Elektrike (OSHEE) bën të ditur se, procedura për importin e energjisë është zhvilluar përmes platformës online të OSHEE, duke garantuar transparencë të plotë.

Për të garantuar furnizimin e konsumatorëve me energji në kushtet e thatësirës së tej zgjatur, OSHEE bleu në lotin e parë 72 mijë MWh, me vlerë monetare prej 4.8 milionë euro dhe me çmim mesatar 67.03 Euro/MWh.

Në lotin e dytë u blenë 198 mijë MWh, e konvertuar në vlerë monetare 16,9 milionë euro, me çmim mesatar prej 84.93 Euro/MWh.

Kompania e shpërndarjes ka përballuar ngarkesën që ka krijuar situata e importeve me paratë e saj, duke mos ulur investimet e planifikuara në rrjet.