Arben Ahmetaj nuk ndodhet në Shqipëri/ Avokati i tij konfirmon largimin
Teksa SPAK ka urdhëruar arrestimin e tij, vetëm pak momente më parë është mësuar se ish-zëvendëskryeministri Arben Ahmetaj nuk ndodhet në Shqipëri.
Lajmi është konfirmuar nga avokati i tij Henrik Ligori gjatë mbledhjes së Këshillit të Mandateve.
Ai ka konfirmuar se Ahmetaj ndodhet jashtë kufijve të territorit shqiptar.
Gazetari Artan Hoxha publikoi dje një foto të ish-zv.kryeministrit Arben Ahmetaj, nga dogana e Kakavijës.
I ftuar në “Opinion”, Hoxha tha se Ahmetaj është larguar nga Shqipëria katër ditë më parë, të premten rreth orës 14:00, përmes pikës doganore të Kakavijës.
Gjatë mbledhjes së Këshillit të Mandateve, Gazment Bardhi ka pyetur prokurorët e SPAK se ku ndodhet Ahmetaj. ‘A keni informacion se ku ndodhet Ahmetaj në këtë moment, është në Shqipëri: Mos ka ikur në Kanada? Keni informacion për ketë?’ ka pyetur Bardhi prokurorët e SPAK.
Sipas burimeve, SPAK nuk i është përgjigjur pyetjes së Gazment Bardhit mbi vendodhjen aktuale të Arben Ahmetajt. “Nuk e dimë,” ka deklaruar kreu i SPAK, Altin Dumani.
